Huquqlari Lissabonning "Benfika" klubiga tegishli bo‘lgan 19 yoshli himoyachi Antoniu Silva faoliyatini Angliya Premyer-ligasining top-klubida davom ettirish imkoniyatiga ega.
Xabarlarga ko‘ra, “Liverpul” istiqbolli portugaliyalikning xizmatlariga qiziqish bildirmoqda. "Qizillar" yozgi transfer oynasida Silvani sotib olmoqchi. Futbolchiga "Aston Villa", "PSJ" va "Real" ham da’vogarlik qilmoqda.
"Benfika" va Silva o‘rtasidagi mehnat shartnomasi muddati 2027 yilning o‘rtalariga qadar hisoblangan. Uning tovon puli 100 million yevro.
Portugaliya chempionatining joriy mavsumida himoyachi 22 ta o‘yin o‘tkazib, 3 ta gol urdi va 3 ta sariq kartochka oldi.