16 сентябрь куни Австралия томон йўлга отланган "Бунёдкор" клуби деярли бир суткалик парвоздан кейин бугун Австралияга етиб борди. Делегацияни Адеалида шаҳрида улардан аввал яшил қитъага етиб борган "Бунёдкор" фан-клуби аъзолари кутиб олишди. Жамоа "CROWNE PLAZA" меҳмонхонасига жойлашди.
Клуб режасига кўра, бугун маҳаллий вақт билан соат 18:00да жамоа аъзолари енгил машғулот ўтказишади.
Делегация аъзолари Тошкент - Деҳли - Куала Лумпур - Аделаида йўналиши бўйича манзилга етиб боришди. 15 ва 16 сентябрь кунлари Тошкентдан Малайзияга рейслар йўқлиги учун орага Ҳиндистон ҳам қўшилди. Фан-клуб аъзолари эса 12 сентябрь куни Малайзияга етиб боришди ва у ерда 3 кун айланишди. 15 сентябрь куни кечаси учиб, 16 сентябрь куни тонгда Австралияда бўлишди.
