"Ливерпуль" "Наполи" ҳимоячиси Ким Мин Джэга қизиқиш билдирмоқда, деб хабар беради FourFourTwo. Манбага кўра, мерсисайдликлар 26 ёшли кореялик учун тахминан 60 миллион фунт тўлашга тайёр.
Аввалроқ, футболчига "ПСЖ" ва "Манчестер Юнайтед" клублари қизиқиш билдираётгани ҳақида хабар берилганди.
Ҳимоячи ўтган ёздан бери "Наполи"да тўп суради, ўшанда неаполликлар уни "Фенербахче"дан 18 миллион евро эвазига сотиб олганди. Жорий мавсумда Ким Мин Чжэ клуб сафида барча турнирлар доирасида 35 та ўйинда майдонга тушиб, 2 та гол урди ва 1 та голли узатмани амалга оширди.
Футболчининг шартномаси 2025 йилнинг ёзида якунига етади.
