"Манчестер Сити" "Этиҳад" стадионини таъмирлаш учун 300 миллион фунт (342 миллион евро) сарфлайди, деб хабар беради Daily Mail.
Манбага кўра, аренани реконструкция қилиш 7,7 минг ўриндиқга кўпайтириш режалаштирилган шимолий трибунага таъсир қилади. Стадионнинг умумий сиғими 61 000 томошабинга етади.
Бундан ташқари, “Манчестер Сити” аренага туташ ҳудудда янги меҳмонхона, мухлислар учун жамоат майдони, клуб дўкони ва музей қуришни режалаштирмоқда. Умумий инвестициялар 1 миллиард фунт стерлингга етиши мумкин.
Айни дамда “Манчестер Сити” раҳбарияти қурилишга рухсат олиш учун шаҳар ҳокимияти билан музокаралар олиб бормоқда. Ҳокимият томонидан маъқулланса, қурилиш ишлари ноябрь ойида бошланиши мумкин, стендни реконструкция қилиш 2025/26 йилги мавсум бошланишига қадар, бошқа ишлар эса бир йилда якунланиши режалаштирилган.
"Этиҳад" стадиони 2002 йилда очилган. Арена 53,4 минг томошабинни сиғдира олади. Бу Премьер-лигадаги тўртинчи ва Буюк Британиядаги саккизинчи йирик стадион.
