Мёнхенгладбахнинг “Боруссия” клуби ярим ҳимоячиси Ману Коне фаолиятини Англияда давом эттириши мумкин.
Аввалроқ, 21 ёшли футболчига давогарлар қаторида "Челси" ва "Манчестер Юнайтед" ҳам кўрсатилган, уни шунингдек "ПСЖ" ҳам ўз сафига қўшиб олмоқчи. Журналист Жонатан Жонсоннинг сўзларига кўра, айни дамда француз учун курашда парижликлардан олдинда айнан икки инглиз гиганти етакчилик қилмоқда. "ПСЖ" вазиятни кузатишда давом этмоқда, аммо трансфер бозорида бошқа номзодларни афзал кўради.
Transfermarkt Ману Конени 30 миллион еврога баҳолаган. Футболчи жорий мавсум Мёнхенгладбахнинг “Боруссия” клуби сафида 25 та ўйинда майдонга тушиб, 1 та гол ва битта голли узатмага муаллифлик қилган.
