"Барселона" ёзги трансфер ойнасида ижара асосида "Милан"да ўйнаётган америкалик ҳимоячи Сержиньо Дестни сотмоқчи, дея хабар беради 90min.
Манбага кўра, футболчига "Атлетико", "Валенсия", "Вест Хэм", "Вильярреал", "Вулверхэмптон", "Кристал Пэлас", "Севилья" ва "Унион" клублари қизиқиш билдирмоқда.
Жорий мавсумда 22 ёшли Дест “Милан” сафида барча турнирларда 14 та ўйинда майдонга тушди. Унинг клуб билан шартномаси 2025 йилнинг ёзига қадар мўлжалланган.