Англиянинг «Манчестер Сити» клуби бош мураббийи Роберто Манчини Европа чемпионлар Лигаси старти олдидан ўз фикрлари билан ўртоқлашди.

«Биз ўзимизни ҳозирда «Реал» билан бир хид даражада деб ҳисобламаймиз. Ҳа, бизда ажойиб футболчилар, кучли жамоа бор. Бироқ биз ҳали ўз устимизда ишлашимиз, ўйинимизни янада такомиллаштиришимиз керак».

«Шу сабабдан ҳам олдинда бизни ўта кутиб турган мураккаб учрашувларга жиддий тайёргарлик кўришимиз керак бўлади. Биз олдимизда таркибида топ-даражадаги футболчиларга эга рақиб турибди. Биз бу ўйинни жуда ва жуда қойилмақом ўтказишимиз керак».

«Бу бизнинг Мадридга дуранг учун келганимизни англатмайди. Бизнинг мақсад — фақат ғалаба! Биз ўтган йилги мавсумда чемпионлар Лигаси гуруҳ босқичида 10 очко жамғарганмиз. Ўйлашимча бу мавсумда худди шунча очко бизни плей-офф босқичига чиқишимиз учун етарли бўлади», дея Манчинининг сўзларидан иқтибос келтирмоқда «The Guardian» нашри.

Эслатиб ўтамиз, «Манчестер Сити» Европа чемпионлар Лигаси гуруҳ босқичида «Реал»дан ташқари Дортумунднинг «Боруссия» ва Голландиянинг «Аякс» клубларига қарши кураш олиб боради.