Лионель Мессининг «Барселона»га қайтиши ҳақиқийдек кўринмоқда. Жума куни Каталония клуби вице-президенти Рафа Юсте аргентиналик юлдуз билан алоқалар борлигини тасдиқлади.
Шу билан бирга, Мессининг «Камп Ноу»га қайтиши учун асосий шарт унинг клуб президенти Жоан Лапорта билан ярашишидир. Бу ҳақда Goal портали хабар бермоқда.
Месси ва Лапорта ўртасидаги муносабатлар футболчи 2021 йилда «Барселона»ни тарк этишга мажбур бўлганидан сўнг кескинлашган.
Ўшанда каталонияликлар аргентиналик футболчининг янги шартномасини молиявий томондан ҳал қилмаган. Энди Месси ва Лапорта бирга учрашмоқчи.
Қайд этилишича, Лионель Месси ҳамон юқори савияда ўйнашни хоҳлайди, шу боис уни МЛС ва Саудия Арабистони вариантлари қизиқтирмайди.
