«Бенфика»нинг собиқ футболчиси Адель Таарабт Португалия халқининг «бургутлар»га бўлган муҳаббати ҳақида гапирди.
«Бенфика» - Португалиядаги дин. Мамлакатда 11 миллион аҳоли ва етти миллион «Бенфика» мухлислари бор», — деди собиқ футболчи.
Эслатиб ўтамиз, Адель 2015 йилдан 2022 йилгача португал гранди либосида тўп тепган ва барча мусобақаларда 129 ўйин ўтказиб, бор-йўғи иккита гол урган.
«Бенфика» 37 марта Португалия чемпионлигини қўлга киритди, бу миллий рекорддир. Эътиборлиси, охирги олтин 2019 йилга тўғри келади.
