“Интер” дарвозабони Андре Онана фаолиятини “Челси”да давом эттириши мумкин.

Камерунлик футболчини бир неча ҳафтадан буён Лондон клубига ўтиши мумкинлиги ҳақида хабарлар юрибди ва уни "Манчестер Юнайтед" ҳам ўз сафига қўшиб олмоқчи.

Football Italia'нинг FcInterNews нашрига таяниб хабар беришича, Онана ҳозирда "Челси"дан ижарага олинган ҳужумчи Ромелу Лукакуни "Интер"га олиб келиш бўйича келишувнинг бир қисми бўлиши мумкин. "Нерадзуррилар" раҳбарияти 26 ёшли дарвозабоннинг нархини 40 миллион еврога баҳоламоқда.

Андре Онана ўтган ёздан бери "Интер"да тўп сурмоқда. Жорий мавсумда у Симоне Индзаги жамоаси сафида 28 та ўйинда 23 та гол ўтказиб юборган.