Ўнг қанот ҳимоячиси Сержиньо Дест "Вест Хэм"га ўтиши мумкин.
22 ёшли футболчи ҳозирда "Милан"да ижара асосида ўйнамоқда ва унинг трансфер ҳуқуқлари "Барселона"га тегишли. "Россонерилар" Дестни сотиб олмоқчи эмас, шунинг учун уни ёзги трансфер ойнасида бошқа клубга сотиш эҳтимоли бор. Fichajes нашрининг маълумотларига кўра, унга даъвогарлар қаторига “Вест Хэм” ҳам қўшилган. Каталония гранди жорий мавсум якунланганидан кейин америкалик учун таклифларни мамнуният билан тинглайди.
Transfermarkt экспертлари Сержиньо Дестни 12 миллион еврога баҳолаган. Футболчининг "Барселона" билан шартномаси 2025 йилнинг июнигача мўлжалланган.