"Байер" бош мураббийи Хаби Алонсо ҳали "Реал"дан таклиф кутмаяпти.

"Қаймоқранглилар"нинг амалдаги бошқарувчиси Карло Анчелотти ёзда ўз лавозимини тарк этиши мумкин, матбуот эса Алонсони италиялик мутахассиснинг ўрнига асосий номзодлардан бири деб атаганди. Журналист Марио Кортехананинг сўзларига кўра, собиқ ярим ҳимоячи ўзини ҳали "Реал" даражасидаги клубни бошқаришга тайёр деб ўйламаяпти.

Маълумот учун, Хаби Алонсо ўтган йилнинг октябр ойида "Байер" бошқарувини қабул қилиб олганди. Олдин у "Реал Сосьедад" академиясида ва "Реал Мадрид" ёшлар жамоасида ишлаган.