Франция терма жамоаси ва «Ливерпуль» клубининг собиқ ҳужумчиси Жибриль Сиссе «Ливерпуль» жамоасига марказий ҳужумчи етишмаяпти, деб ҳисоблайди.

Унинг фикрича, «қизиллар» Франкфуртнинг «Айнтрахт» клубидан Рандаль Коло-Муанини сотиб олишга ҳаракат қилишлари керак.

«Мен уни кузатдим ва унинг ривожланишидан ҳайратдаман. Яна бир-икки мавсумдан сўнг у француз жамоасида асосий футболчига айланади.

Рандаль деярли ҳар бир учрашувда гол уради ва мунтазам равишда Франция терма жамоасига чақирилади. Мен уни «Ливерпул»да кўришни истардим», - дея Жибрилнинг сўзларини келтиради Liverpool Echo.

24 ёшли ҳужумчи жорий мавсум Германияда 25 та ўйинда майдонга тушиб, 12 та гол ва 10 та голли узатмани амалга оширган.