«Манчестер Сити» бош мураббийи Хосеп Гвардиола ўз ютуқлари ҳақида гапирди.

«Ўтмиш - ўтмиш, тажриба ҳисобга олинмайди.

Баъзида ўйинчилар ёки мураббийларнинг «Ўтмишда қилган ишларим туфайли ҳозир ҳеч нарсани исботлашим шарт эмас» деган гапларини эшитаман. Бу энг ёмон ибора. Сиз буни ҳар куни, яна ва яна исботлашингиз керак. Ўтмиш - ўтмиш-ку.

Бобо бўлганингизда ниманидир эслаш ёқимли, лекин ҳақиқат шундаки, одамлар «Этиҳад» стадионига келиб, ўтмишда қилган ишларимиз ҳақида ўйламайдилар. Сиз буни қайта-қайта қилишингиз керак. Акс ҳолда, сиз нафақага чиқишингиз керак бўлади.

Мен ўтмишдаги тажрибам туфайли ғалаба қозонаман деб ҳеч қачон ўйламайман. Ўйлайманки, футболда кеча қилган ишинг эртанги кун учун муҳим эмас», - дея Гвардиоланинг сўзларини келтиради «Манчестер Сити» расмий сайти.