«Manchester Siti» bosh murabbiyi Xosep Gvardiola o‘z yutuqlari haqida gapirdi.
«O‘tmish - o‘tmish, tajriba hisobga olinmaydi.
Ba’zida o‘yinchilar yoki murabbiylarning «O‘tmishda qilgan ishlarim tufayli hozir hech narsani isbotlashim shart emas» degan gaplarini eshitaman. Bu eng yomon ibora. Siz buni har kuni, yana va yana isbotlashingiz kerak. O‘tmish - o‘tmish-ku.
Bobo bo‘lganingizda nimanidir eslash yoqimli, lekin haqiqat shundaki, odamlar «Etihad» stadioniga kelib, o‘tmishda qilgan ishlarimiz haqida o‘ylamaydilar. Siz buni qayta-qayta qilishingiz kerak. Aks holda, siz nafaqaga chiqishingiz kerak bo‘ladi.
Men o‘tmishdagi tajribam tufayli g‘alaba qozonaman deb hech qachon o‘ylamayman. O‘ylaymanki, futbolda kecha qilgan ishing ertangi kun uchun muhim emas», - deya Gvardiolaning so‘zlarini keltiradi «Manchester Siti» rasmiy sayti.
