"Манчестер Сити" Пеп Гвардиола қўл остида АПЛда ўз майдонидаги 100-ғалабасини қўлга киритди.
Гвардиола шогирдлари АПЛнинг 29-тури доирасидаги ўйинда “Ливерпуль”ни мағлуб этишди (4:1). Испаниялик мутахассис "Этихад"да Премьер-лигадаги 128-учрашувини ўтказди.
Пеп бошқа мураббийларга қараганда тезроқ Премьер-лигада 100 та ғалабага эришди. Пеп Арсен Венгернинг натижасини янгилади - француз "Эмирейтс"да 139 та ўйинда 100 та ғалаба қайд этганди.
"Манчестер Сити" ҳозирда 28 ўйиндан кейин 64 очко билан АПЛ турнир жадвалида 2-ўринда бормоқда. "Шаҳарликлар" “Арсенал”дан 5 очкога ортда қолмоқда.
