Россия Суперкубоги формати ўзгариши мумкин. Бу ҳақда Россия премьер-лигаси президенти лавозимини эгаллаб турган Александр Алаев айтиб ўтди.
«Биз Суперкубок форматини ўзгартириш ҳақида ўйлашимиз керак. Кубок форматини ўзгартириш кўпроқ пул ишлаш ва оммани қизиқтириш мумкинлигини кўрсатди», — деди Алаев журналистларга.
Айни дамда Россия Суперкубоги классик форматда ўйналмоқда. Кубок битта ўйинда ўйналади, унда амалдаги чемпион ва мамлакат кубоги соҳиби иштирок этади.
Агар худди шу клуб РПЛ ва Кубокда ғолиб чиққан бўлса, суперкубок учун курашда чемпион ва вице-чемпион иштирок этади.