«Наполи» бош мураббийи Лучано Спалетти клубдаги келажаги ҳақида гапирди.
64 ёшли мутахассиснинг амалдаги шартномаси жорий мавсум охиригача мўлжалланган. Бу ҳолатда клуб битимни узайтириш вариантидан фойдаланиш ҳуқуқига эга.
«Президентнинг шартнома бўйича танлаш ҳуқуқи бор. Энди мени фақат «Наполи»нинг натижалари қизиқтиради.
Шартномалар ҳақида гапириш мени ўз мақсадимдан чалкаштириб юборади», - дея Спаллеттининг сўзларини келтиради Goal портали.
«Наполи» 1990 йилдан бери биринчи марта бу мавсумда Италия чемпиони бўлиш учун ажойиб имкониятга эга.
Неаполликлар А Серияда ишончли тарзда пешқадамлик қилмоқда ва иккинчи ўриндаги «Лацио»ни 19 очкога ортда қолдирмоқда.
