Англия Премьер-лигасининг энг яхши ҳужумчиларидан бири Харри Кейн 2024 йилда “Тоттенхэм”ни тарк этишни режалаштирмоқда. Футболчи "шпорлар" билан шартномасини узайтиришни истамаяпти.
29 ёшли ҳужумчи фаолиятини Испанияда давом эттиришга қарор қилган. Харри фақат битта вариантни кўриб чиқмоқда - бу "Реал Мадрид". Кейнга “қироллик” клуби ҳам қизиқиш билдирмоқда. Англиялик футболчи франциялик Карим Бенземанинг ўрнини тўлдириши мумкин.
Кейн "Тоттенхэм"да 2011 йилнинг январидан бери тўп суради. Унинг клуб билан шартномаси 2024 йилнинг июнь ойи охирида якунига етади. Унинг трансфер нархи 90 миллион евро.