Англия чемпионатининг йигирма тўққизинчи турида «Кристал Пэлас» «Лестер» устидан ғалаба қозонди.
Ҳал қилувчи гол ўйиннинг асосий вақтига қўшиб берилган бешинчи дақиқада киритилди. Унинг муаллифи Жан-Филип Матета бўлди.
«Анчадан бери гол ура олмагандим. Аммо жамоа манфаати учун қилган меҳнатим билан бунга муносиб бўлдим, деб ўйлайман.
Мен учун елкамдан тоғ ағдарилгандек бўлди. Энди умид қиламанки, тез орада яна кўп голлар бўлади», - дея футболчининг сўзларини келтиради BBC Sport.
Кейинги турда «Кристал Пэлас» сафарда «Лидс» билан ўйнайди, бу тўққизинчи апрель, келаси якшанба куни содир бўлади.
