"Ньюэллс Олд Бойз" вице-президенти Пабло Аллегри "ПСЖ" ҳужумчиси Лионель Мессининг клубга ўтиши мумкинлиги ҳақида гапирди.
“Биз Мессини жамоаша олиб келишга 100% тайёрмиз. Бу ҳамманинг орзуси. Бутун Аргентина ва ҳаттоки Америкадаги мухлислар унинг бу ерга келишини исташади. "Ньюэллс" қитъанинг энг машҳур жамоасига айланади. Бу содир бўладими ёки йўқми, вақт кўрсатади. Биз уни қанча вақт керак бўлса, шунча кутамиз", - дея Аллегри сўзларини келтиради AS.
Месси "Ньюэллс" жамоаси тарбияланувчиси. Аргентиналик футболчи фаолиятини айнан шу жамоада бошлаган. 35 ёшли футболчининг "ПСЖ" билан шартномаси жорий мавсум охирида якунига етади.