"Nyuells Old Boyz" vise-prezidenti Pablo Allegri "PSJ" hujumchisi Lionel Messining klubga o‘tishi mumkinligi haqida gapirdi.
“Biz Messini jamoasha olib kelishga 100% tayyormiz. Bu hammaning orzusi. Butun Argentina va hattoki Amerikadagi muxlislar uning bu yerga kelishini istashadi. "Nyuells" qit’aning eng mashhur jamoasiga aylanadi. Bu sodir bo‘ladimi yoki yo‘qmi, vaqt ko‘rsatadi. Biz uni qancha vaqt kerak bo‘lsa, shuncha kutamiz", - deya Allegri so‘zlarini keltiradi AS.
Messi "Nyuells" jamoasi tarbiyalanuvchisi. Argentinalik futbolchi faoliyatini aynan shu jamoada boshlagan. 35 yoshli futbolchining "PSJ" bilan shartnomasi joriy mavsum oxirida yakuniga yetadi.