Португалия терма жамоаси ярим ҳимоячиси Ренату Саншеш "ПСЖ"ни тарк этиши мумкин.
Хабарларга кўра, футболчи фаолиятини Англия Премьер-лигасида давом эттирмоқчи. 25 ёшли футболчига "Лестер" қизиқиш билдирмоқда. Яқин орада инглиз клуби унга шартнома таклиф қилмоқчи. Битим суммаси тахминан 20 миллион еврога баҳоланмоқда.
Жорий мавсумда португалиялик хавбек Франция чемпионатининг 16та ўйинида қатнашиб, иккита гол уришга эришди.