"Реал" Испания чемпионати доирасида ўз уйида "Вальядолид" билан тўқнаш келди. Карло Анчелотти шогирдлари 6:0 ҳисобида ғалабани тантана қилишди.
Қанот ярим ҳимоячиси Эден Азар ушбу ўйинда майдонга тушди. 32 ёшли бельгиялик футболчи иккинчи бўлимда захирадан майдонга тушди ва ҳатто голли узатмани ҳам амалга оширди.
Эден Азар 2021 йилнинг 14 августидан бери илк бор Ла Лига ўйинида голли узатмани амалга оширди. Ўшанда қанот ярим ҳимоячиси "Алавес"га қарши ўйинда голли узатмани амалга оширганди.
Мадриднинг “Реал” клуби айни дамда Испания чемпионати турнир жадвалида иккинчи ўринда бормоқда. Карло Анчелотти шогирдлари пешқадам “Барселона”дан 12 очко ортда қолмоқда.