Англия премьер-лигасининг 29-турида “Манчестер Юнайтед” 2 апрель, якшанба куни “Ньюкасл” майдонида меҳмон бўлди.

Учрашувнинг биринчи бўлимида дарвозалар дахлсиз қолди. 65-дақиқада Жо Уиллок майдон эгаларини олдинга олиб чиқди. 88-дақиқада Каллум Уилсон қанотдан узатилган тўпни боши билан дарвозага жойлаб қўйди.

“Ньюкасл” ушбу ғалаба эвазига очколарини 50 тага етказиб олган ҳолда бу борада “Манчестер Юнайтед”га етиб олди ва қўшимча кўрсаткичлар эвазига 3-поғонага кўтарилди.

“Манчестер Юнайтед”нинг кейинги ўйини “Брентфорд”га қарши бўлади, “Ньюкасл” эса “Вест Ҳэм” майдонига сафар қилади.

АПЛ, 29-тур баҳслари
2 апрель, якшанба
“Ньюкасл” – “Манчестер Юнайтед” 2:0
Голлар: 1:0 – 65 Уиллок, 2:0 – 88 Уилсон.
“Ньюкасл”: Поуп, Триппьер, Шер, Ботман, Берн, Бруно Гимараэс, Лонгстафф, Уиллок (Андерсон, 84), Mёрфи (Гордон, 68), Сен-Максимен (Жоэлинтон, 68), Исак (Уилсон, 80).
“Манчестер Юнайтед”: Де Хеа, Диогу Далот, Варан (Линдельоф, 83), Мартинес (Пелистри, 83), Шоу, Забицер, Бруну Фернандеш, Мактоминей (Фред, 82), Антони (Санчо, 62), Вегорст (Марсял, 62), Рэшфорд.