Angliya premyer-ligasining 29-turida “Manchester Yunayted” 2 aprel, yakshanba kuni “Nyukasl” maydonida mehmon bo‘ldi.

Uchrashuvning birinchi bo‘limida darvozalar daxlsiz qoldi. 65-daqiqada Jo Uillok maydon egalarini oldinga olib chiqdi. 88-daqiqada Kallum Uilson qanotdan uzatilgan to‘pni boshi bilan darvozaga joylab qo‘ydi.

“Nyukasl” ushbu g‘alaba evaziga ochkolarini 50 taga yetkazib olgan holda bu borada “Manchester Yunayted”ga yetib oldi va qo‘shimcha ko‘rsatkichlar evaziga 3-pog‘onaga ko‘tarildi.

“Manchester Yunayted”ning keyingi o‘yini “Brentford”ga qarshi bo‘ladi, “Nyukasl” esa “Vest Hem” maydoniga safar qiladi.

APL, 29-tur bahslari
2 aprel, yakshanba
“Nyukasl” – “Manchester Yunayted” 2:0
Gollar: 1:0 – 65 Uillok, 2:0 – 88 Uilson.
“Nyukasl”: Poup, Trippyer, Sher, Botman, Bern, Bruno Gimaraes, Longstaff, Uillok (Anderson, 84), Myorfi (Gordon, 68), Sen-Maksimen (Joelinton, 68), Isak (Uilson, 80).
“Manchester Yunayted”: De Xea, Diogu Dalot, Varan (Lindelyof, 83), Martines (Pelistri, 83), Shou, Zabiser, Brunu Fernandesh, Maktominey (Fred, 82), Antoni (Sancho, 62), Vegorst (Marsyal, 62), Reshford.