"Специя" ҳужумчиси Элдор Шомуродов Италия чемпионатининг 28-тури доирасида бугун бўлиб ўтган "Салернитана" клуби дарвозасига гол уриб, жамоасини мағлубиятдан қутқариб қолди. Ўзбекистонлик футболчи мазкур ўйин борасида ўз фикрини билдириб ўтди.

"Менинг голим жамоамизга бир очкони тақдим этганидан хурсандман. Жорий мавсум мен учун осон бўлмаяпти. Шундай бўлса-да, мен руҳий тушкунлик тушиб қолмаяпман ва ишлашда давом этяпман. Ниҳоят, бугун гол уришга муваффақ бўлдим. Бундан жуда ҳам хурсандман. Афсуски, бугун 3 очкони қўлга кирита олмадик.

Биринчи бўлимда ўйинимиз ўхшамади. "Салернитана" ҳаддан ташқари кўп бўш ҳудуд бериб қўйдик. Иккинчи таймда эса бошқачи ўйин ўтказдик. Ғалабага муносиб этдим, аммо икки очко йўқотдим. Мухлислар учрашув бошидан бизни олдинга чорлашди.

А серияда жон сақлаб қолишимизга ишонамиз. Бунинг учун қўлдан келган барча ишни қиламиз. Энди эса кейинги ўйинга тайёргарликни бошлаймиз", — деди Шомуродов.