«Манчестер Юнайтед» бош мураббийи Эрик тен Хаг жамоасининг муваффақиятсизлигидан сўнг ўз фикрлари билан ўртоқлашди.
«Қизил иблислар» Англия премьер-лигаси доирасидаги сафар баҳсида «Ньюкасл»дан мағлуб бўлишди (0:2).
«Менимча, «Ньюкасл» ҳақли равишда ғалаба қозонди - рақиб янада қатъийроқ, иштиёқ ва истак билан ҳаракат қилди.
Бизда имкониятлар бўлди, аммо улардан фойдалана олмадик. Бугун жуда қийин бўлишини, «Ньюкасл» Лига кубоги финалидаги мағлубиятдан қасос олишни хоҳлашини билардик ва биз керакли жиҳатларни кўрсата олмадик.
Бунинг учун биз жазо олдик. Ишончим комилки, жамоа муваффақиятсизликка тўғри жавоб бера олади», - дея Тен Хагнинг сўзларини келтиради BBC.