«Manchester Yunayted» bosh murabbiyi Erik ten Xag jamoasining muvaffaqiyatsizligidan so‘ng o‘z fikrlari bilan o‘rtoqlashdi.
«Qizil iblislar» Angliya premyer-ligasi doirasidagi safar bahsida «Nyukasl»dan mag‘lub bo‘lishdi (0:2).
«Menimcha, «Nyukasl» haqli ravishda g‘alaba qozondi - raqib yanada qat’iyroq, ishtiyoq va istak bilan harakat qildi.
Bizda imkoniyatlar bo‘ldi, ammo ulardan foydalana olmadik. Bugun juda qiyin bo‘lishini, «Nyukasl» Liga kubogi finalidagi mag‘lubiyatdan qasos olishni xohlashini bilardik va biz kerakli jihatlarni ko‘rsata olmadik.
Buning uchun biz jazo oldik. Ishonchim komilki, jamoa muvaffaqiyatsizlikka to‘g‘ri javob bera oladi», - deya Ten Xagning so‘zlarini keltiradi BBC.
