«Атлетико» дарвозабони Ян Облак «матрасчилар» сафида ўтказилган ўйинлар сони бўйича Диего Годин билан тенглашиб олди.
Словениялик футболчи Ла Лига доирасида «Реал Бетис»га қарши давом этаётган учрашувда жамоанинг асосий таркибидан жой олди.
Opta хабарига кўра, бугунги ўйин Облаканинг барча мусобақалардаги 389-ўйинидир. Шу тариқа, дарвозабон хорижлик футболчилар ўртасида «Атлетико» учун ўтказилган учрашувлар сони бўйича рекордни такрорлади – бунгача бу ютуқ фақат уругвайлик собиқ ҳимоячи Диего Годинга тегишли эди.
Ҳозирга қадар Ян Облак жорий мавсумда Диего Симеоне жамоасида 34 та ўйин ўтказиб, 28 та гол ўтказиб юборган.
