"Бавария" ҳимоячиси Жоау Канселу ижара муддати тугаганидан кейин "Манчестер Сити"га қайтиши мумкин.

Португалиялик футболчини мюнхенликлар жорий мавсум охиригача 70 миллион еврога сотиб олиш ҳуқуқи билан ижарага олди. Олдинроқ "Бавария" кўрсатилган шартлар остида трансферни амалга ошира олмаслиги ҳақида хабар берилганди, аммо "Манчестер Сити" чегирма қилса, трансфер амалга ошиши мумкин. Журналист Георг Холзнернинг янгиланган хабарига кўра, ҳозирда "Бавария" 28 ёшли футболчини сотиб олишни режалаштирмаяпти - ҳатто унинг нархи 70 миллион евродан кам бўлса ҳам.

Жоау Канселу “Бавария” сафида ўнта ўйинда майдонга тушиб, битта гол ва 4 голга ассистентлик қилган.