“Милан” ҳужумчиси Рафаэль Леау “Наполи” устидан қозонилган ғалабадан сўнг (4:0) фикрларини билдириб ўтди.

Португалиялик футболчи А Серия турнир жадвали пешқадамлари дарвозасига иккита тўп йўллаб, учрашувнинг асосий қаҳрамонларидан бирига айланди. Аввалроқ, португалиялик январь ойида "Лечче"га қарши ўйиндан кейин "россонерилар" таркибида гол ура олмаётган эди.

“Бу ақл бовар қилмайдиган туйғу, лекин ўйин натижаси билан мен ўз голларимсиз ҳам хурсанд бўлардим.

Менга танқидлар? Мен майдонда жавоб беришни афзал кўраман. Мураббийимни тинглашга ҳаракат қиламан, клубга ҳеч қандай алоқаси бўлмаган одамларнинг фикри мени кўп безовта қилмайди. Қийин даврдан кейин ўзимни яна топганимдан хурсандман ”, деди Леау DAZN нашрига берган интервьюсида.