Мадриднинг “Реал” клуби марказий ҳимоячиси Антонио Рюдигер Испания кубоги ярим финалида “Барселона”га қарши ўйинни ўтказиб юбориши мумкин. Журналист Марио Кортехананинг сўзларига кўра, немис футболчиси “кўк-анорранглилар” билан ўйиндаги иштирокига шубҳа билан қарамоқда.
Эслатиб ўтамиз, Рюдигер тиззасидаги муаммо туфайли "Реал"нинг Испания чемпионатидаги сўнгги ўйинини ўтказиб юборган эди. Манбанинг таъкидлашича, Антонио "Барселона"га қарши ўйинда тикланишга улгурмаслиги мумкин.
Рюдигер "Реал"да дебют мавсумини ўтказмоқда. Немис футболчиси ўзининг собиқ жамоаси билан Чемпионлар лигаси чорак финалида тўқнаш келиши мумкин, дастлабки баҳс 12 апрель куни бошланади.