Мюнхеннинг “Бавария” клуби ҳимоячиси Бенжамен Павар жамоанинг янги бош мураббийи Томас Тухель ҳақидаги фикрлари билан ўртоқлашди.
"Тухель? У - профессионал. У "Челси" ва "ПСЖ"да ўз савиясини исботлади. Томас бизнинг жамоамиз билан бир хил менталитетга эга. Тухел ҳар доим ғалаба қозонишни истайди", - деди франциялик ҳимоячи Telefoot нашрига.
Тухель тахминан бир ҳафта олдин "Бавария" бошқарувини қабул қилиб, Юлиан Нагельсманни алмаштирганди. Унинг қўл остидаги илк учрашувда мюнхенликлар Дортмунднинг "Боруссия" клуби устидан 4:2 ҳисобида ишончли ғалабани тантана қилишди. Бу муваффақият билан “Бавария” яна Бундеслигада пешқадамликни қўлга киритди.