"Манчестер Сити" ярим ҳимоячиси Бернарду Силва жамоадоши Жек Грилишнинг "Ливерпуль"га қарши (4:1) АПЛ 29-туридаги ўйини ҳақида ўз фикрлари билан ўртоқлашди.
Португалиялик футболчининг сўзларига кўра, Грилиш "Манчестер Сити" ўйинига кўникиши учун вақт керак бўлган, аммо ҳозир у яхши ҳаракат қилмоқда.
"У "Ливерпуль"га қарши ўйинда ажойиб ўйнади. "Сити"даги биринчи мавсум ҳар қандай футболчи учун осон эмас. Риёд Махрезга ҳам осон бўлмаганди. Бу ердаги ўйин услуби бошқа жамоаларникидан фарқ қилади", - дея Силванинг сўзларини келтиради Daily Mail.
Эслатиб ўтамиз, Грилиш 2021 йилнинг ёзида "Астон Вилла"дан "Манчестер Сити"га ўтган эди. Жорий мавсумда англиялик ярим ҳимоячи “шаҳарликлар” сафида 37 та ўйин ўтказиб, 4 та гол урди ва 8 та голли узатмани амалга оширди.