Дортмунднинг "Боруссия" клуби ярим ҳимоячиси Жуд Беллингем, мерсисайдликлар Чемпионлар лигасига чиқа олмаслик хавфи остида қолганига қарамай, келаси ёзда "Ливерпуль"га ўтишга тайёр. Журналист Пол Жойснинг ёзишича, англиялик футболчи Юрген Клопп билан ишламоқчи.
Эслатиб ўтамиз, "Ливерпуль" Беллингем учун кўплаб даъвогарлардан бири. Футболчи шунингдек "Реал Мадрид"нинг асосий трансфер мақсади ҳисобланади, аммо "қироллик клуби" талаб қилинадиган 140-150 миллион еврони тўлашга тайёр эмас.
Беллингемда фаолиятини "Манчестер Сити"да давом эттириш имконияти ҳам бор.