Италия чемпионатининг сўнгги учта ўйинида “Интер” “Специя” (1:2), “Ювентус” (0:1) ва “Фиорентина” (0:1)га имкониятни бой берди. Ёмон натижалар фонида "нерадзуррилар" бош мураббийи Симоне Индзаги жиддий босим остида қолди.
La Gazzetta dello Sport нашрининг ёзишича, "Интер" раҳбарлари Симоне Инзагига вазиятни яхшилаш учун учта ўйин беришган. Агар жамоа "Ювентус" (Италия кубоги), "Салернитана" (А Серия) ва "Бенфика" (Чемпионлар лигаси)га қарши ўйинларда ёмон ўйин кўрсатса, Индзаги истеъфога чиқарилиши мумкин.
Қўшимча қиламизки, айни дамда “Интер” Италия А Серияси турнир жадвалида тўртинчи ўринда бормоқда.
