"Манчестер Сити" бош мураббийи Хосеп Гвардиола Англия Премьер-лигасида чемпионлик учун курашдаги фикрлари билан ўртоқлашди.
Эслатиб ўтамиз, “шаҳарликлар” ҳозирда турнир жадвалида пешқадам “Арсенал”дан 8 очкога ортда қолмоқда, бироқ "шаҳарликлар"нинг ҳисобида битта захира ўйини бор.
"Чемпионлик пойгасида энди хато қилишга ҳаққимиз йўқ деган фикр бор. Битта ўйинда мағлуб бўлсак, чемпионликни йўқотамиз. Ўйлайманки, "Саутгемптон"га ютқазсак, ҳаммаси тугайди. "Арсенал" кўп очко йўқотишини кутмайман. Олдинги чемпионат пойгаларида ҳам худди шундай кайфиятда эдим, биз “Ливерпуль” билан куч синашиб, рақибларимиздан бир очкога ўзиб кетган эдик”, — деди Гвардиола “Манчестер Сити” расмий сайтига.
