“Манчестер Сити” ярим ҳимоячиси Бернарду Силва “шаҳарликлар” чемпионлик учун охиригача курашишини айтди.
“Манчестер Сити” айни дамда АПЛ турнир жадвалида пешқадам “Арсенал”дан 8 очко ортда қолиб, иккинчи ўринда бормоқда. Шу билан бирга, Хосеп Гвардиола жамоаси “канонирлар”дан бир ўйин кам ўтказган.
"Арсенал" Премьер-лигада ғалаба қозониши мумкин, аммо биз охиригача курашамиз. "Арсенал"га қарши ўйин жуда муҳим, аммо бизда бошқа ўйинлар ҳам бор. Агар биз эртароқ очко йўқотсак, улар билан учрашувнинг аҳамияти йўқ", - дея Силванинг сўзларидан иқтибос келтиради Manchester Evening News.
"Манчестер Сити" ва "Арсенал" ўртасидаги юзма-юз учрашув 26 апрель куни "шаҳарликлар"нинг уй аренасида бўлиб ўтади.
