Дортмунднинг “Боруссия” клуби ярим ҳимоячиси Юлиан Брандт клуб билан шартномасини узайтириши мумкин, дея хабар беради журналист Свен Вестершульц.
Манбага кўра, томонлар бўлажак келишувнинг молиявий томони бўйича келишиб олган, бироқ унинг муддати бўйича музокаралар давом этмоқда. Брандтнинг "Боруссия" билан амалдаги шартномаси 2024 йилнинг ёзига қадар мўлжалланган.
26 ёшли ярим ҳимоячи 2019 йилнинг ёзидан буён дортмундликлар сафида тўп сурмоқда. Жорий мавсумда у клуб сафида барча турнирларда 33 та ўйинда майдонга тушиб, 9 та гол урди ва 5 та голли узатмани амалга оширди.
