"Манчестер Юнайтед"нинг собиқ ҳимоячисининг фикрича, ҳужумчи Воут Вегхорст "қизил иблислар"нинг собиқ ҳужумчиси Криштиану Роналдудан кўра клуб учун фойдалироқ. 38 ёшли португалиялик футболчи 2022 йилнинг ноябрида жамоа билан шартномасини бекор қилган, декабрда Саудия Арабистони клуби “Ан-Наср” билан 2,5 йиллик шартнома имзолаган. Шундан сўнг, "Манчестер Юнайтед" Вегхорстни "Бёрнли"дан мавсум охиригача ижарага олди. 30 ёшли нидерландиялик футболчи “Юнайтед” сафида 19 ўйинда 2 та гол урди ва 2 та голли узатмани амалга оширди.
“Бу жуда провокацион эканлигини биламан ва мен ҳеч кимга ҳурматсизлик қилишни хоҳламайман, лекин мен бир нарсани айтмоқчиман. Вегхорстнинг "Манчестер Юнайтед"да ўйнашда давом этиши ва Роналдунинг энди клубда эмаслиги сабабларини Криштиану ва нидерландияликнинг дастлабки 19та ўйинини солиштириш орқали топиш мумкин. Келинг, Воутнинг сўнгги 19 та ўйинини Роналдунинг 19 та ўйинини таққослайлик. Вегорст бор йўғи иккита гол урган бўлса-да, унинг жамоаси 37 та гол уришга муваффақ бўлди. Роналду "Юнайтед"да уч ўйинда камроқ ғалаба қозонган ва тўртта ўйинда кўпроқ мағлуб бўлган. Унинг ўзи 11 та гол урган, аммо жамоа атиги 23 та гол урган, бу катта фарқ.
"Манчестер Юнайтед"да марказий ҳужумчи сифатида ўйнашга тайёр бўлмаган ўйинчи ғалаба ва голлар борасида жамоага кўпроқ фойда келтиради. Лекин менимча, Роналду барча даврларнинг энг зўр футболчиси", дея сўзини якунлаган собиқ футболчи.
"Манчестер Юнайтед" ёзда Вегхорстни сотиб олмоқчи эмас. Клуб раҳбарияти кучли ҳужумчи сотиб олмоқчи, қисқа рўйхатга Харри Кейн («Тоттенхэм»), Виктор Осимхен («Наполи»), Рандал Коло Муани («Айнтрахт»), Гонсалу Рамуш («Бенфика») ва Душан Влахович («Ювентус») киради.
Бироқ, нидерландиялик футболчи "Юнайтед"га фойда келтирмоқда, бош мураббий Эрик тен Хаг таъкидлаганидек: "У мен афзал кўрган футбол турига мос келади ва жуда муҳим ишни бажаради. Воут прессингда, ҳимояга қайтишда ва стандарт вазиятларда фойдали, шунинг учун у жамоага ёрдам беради. Вегҳорст Рождестводан бери деярли барча ўйинларда ўйнади, шунинг учун у ҳақиқатан ҳам муваффақиятнинг бир қисмидир”.
Роналду “Манчестер Юнайтед”дан кетганидан кейин “Ан-Наср” сафида 10 та ўйинда майдонга тушиб, 9 та гол урди ва 2 та голли узатмани амалга оширди. Криштиану Саудия клуби билан шартнома имзолаганидан сўнг дунёнинг энг кўп маош олувчи футболчисига айланди. У йилига 200 миллион евро маош олади.
