"Manchester Yunayted"ning sobiq himoyachisining fikricha, hujumchi Vout Vegxorst "qizil iblislar"ning sobiq hujumchisi Krishtianu Ronaldudan ko‘ra klub uchun foydaliroq. 38 yoshli portugaliyalik futbolchi 2022 yilning noyabrida jamoa bilan shartnomasini bekor qilgan, dekabrda Saudiya Arabistoni klubi “An-Nasr” bilan 2,5 yillik shartnoma imzolagan. Shundan so‘ng, "Manchester Yunayted" Vegxorstni "Byornli"dan mavsum oxirigacha ijaraga oldi. 30 yoshli niderlandiyalik futbolchi “Yunayted” safida 19 o‘yinda 2 ta gol urdi va 2 ta golli uzatmani amalga oshirdi.
“Bu juda provokasion ekanligini bilaman va men hech kimga hurmatsizlik qilishni xohlamayman, lekin men bir narsani aytmoqchiman. Vegxorstning "Manchester Yunayted"da o‘ynashda davom etishi va Ronalduning endi klubda emasligi sabablarini Krishtianu va niderlandiyalikning dastlabki 19ta o‘yinini solishtirish orqali topish mumkin. Keling, Voutning so‘nggi 19 ta o‘yinini Ronalduning 19 ta o‘yinini taqqoslaylik. Vegorst bor yo‘g‘i ikkita gol urgan bo‘lsa-da, uning jamoasi 37 ta gol urishga muvaffaq bo‘ldi. Ronaldu "Yunayted"da uch o‘yinda kamroq g‘alaba qozongan va to‘rtta o‘yinda ko‘proq mag‘lub bo‘lgan. Uning o‘zi 11 ta gol urgan, ammo jamoa atigi 23 ta gol urgan, bu katta farq.
"Manchester Yunayted"da markaziy hujumchi sifatida o‘ynashga tayyor bo‘lmagan o‘yinchi g‘alaba va gollar borasida jamoaga ko‘proq foyda keltiradi. Lekin menimcha, Ronaldu barcha davrlarning eng zo‘r futbolchisi", deya so‘zini yakunlagan sobiq futbolchi.
"Manchester Yunayted" yozda Vegxorstni sotib olmoqchi emas. Klub rahbariyati kuchli hujumchi sotib olmoqchi, qisqa ro‘yxatga Xarri Keyn («Tottenxem»), Viktor Osimxen («Napoli»), Randal Kolo Muani («Ayntraxt»), Gonsalu Ramush («Benfika») va Dushan Vlaxovich («Yuventus») kiradi.
Biroq, niderlandiyalik futbolchi "Yunayted"ga foyda keltirmoqda, bosh murabbiy Erik ten Xag ta’kidlaganidek: "U men afzal ko‘rgan futbol turiga mos keladi va juda muhim ishni bajaradi. Vout pressingda, himoyaga qaytishda va standart vaziyatlarda foydali, shuning uchun u jamoaga yordam beradi. Veghorst Rojdestvodan beri deyarli barcha o‘yinlarda o‘ynadi, shuning uchun u haqiqatan ham muvaffaqiyatning bir qismidir”.
Ronaldu “Manchester Yunayted”dan ketganidan keyin “An-Nasr” safida 10 ta o‘yinda maydonga tushib, 9 ta gol urdi va 2 ta golli uzatmani amalga oshirdi. Krishtianu Saudiya klubi bilan shartnoma imzolaganidan so‘ng dunyoning eng ko‘p maosh oluvchi futbolchisiga aylandi. U yiliga 200 million yevro maosh oladi.
