"Манчестер Юнайтед" бош мураббийи Эрик тен Хаг Марсьялнинг жароҳати билан боғлиқ муаммолар ҳақида гапирди.
27 ёшли ҳужумчи жароҳатлар сабаб мунтазам ўйинларни ўтказиб юборди. Яқинда "Ньюкасл"га қарши ўйинда франциялик футболчи январ ойидан бери илк бор АПЛда ўйнади.
"Албатта, бу ҳолат уни жуда хафа қилади. У доимо формага кириш учун машғулот хонасида вақт ўтказади, лекин бунинг ўрнига у майдонга тушишни хоҳлайди. Бу бутун жамоа ва мураббийни хафа қилади, чунки биз ҳар доим ўзимизнинг энг яхши ўйинчиларимиз тайёр бўлишини хоҳлаймиз”, деди “Манчестер Юнайтед” бош мураббийи "Брентфорд"га қарши ўйин олдидан.
