"Интер" бош мураббийи Симоне Индзаги мавсум якунланганидан кейин клубдаги фаолиятини давом эттириши даргумон.

“Нерадзурри” устози жамоасининг А Сериядаги беқарор ўйини учун мунтазам танқид қилинади, бироқ миланликлар Чемпионлар лигасида муваффақият қозониб, чорак финалга қадар етиб борган.

Инсайдер Фабрицио Романонинг сўзларига кўра, “Интер” раҳбарияти бор эътиборини жорий мавсумни муваффақиятли якунлашга қаратган, Индзагини ёзгача истеъфога чиқариш муҳокама қилинмаяпти. Аммо, агар мутахассис кейинги икки ойда улкан муваффақиятларга эриша олмаса, ёзда клуб янги мураббий тайинлайди.

Симоне Индзагининг "Интер" билан шартномаси 2024 йилгача мўлжалланган.