"Манчестер Юнайтед" ҳужумчиси Маркус Рэшфорд "Брентфорд" устидан қозонилган 1:0 ҳисобидаги ғалабадан сўнг журналистлар билан суҳбатлашди.
25 ёшли англияликнинг Премьер-лига учрашувининг 27-дақиқасида урган голи “қизил иблислар”га 3 очко келтирди ва турнир жадвалида тўртинчи ўринга қайтиш имконини берди.
“Мавсумнинг ҳал қилувчи палласи келди, ҳар бир ўйин катта аҳамиятга эга. Ғалабадан жуда хурсандмиз. Ҳар бир ўйинда ўзимизнинг энг яхши фазилатларимизни кўрсатишнинг иложи йўқ, лекин биз ривожланишда давом этишимиз ва белгиланган меъёрдан пастга тушмаслигимиз керак.
Мақсадимиз имкон қадар кўпроқ очко тўплаш ва кучли 4-ўриндан жой олиш. Қолган учрашувларда муваффақият қозониш учун ҳамма нарсани қилишимиз керак", - дея Рэшфорд сўзларини келтиради BBC.
