«Манчестер Юнайтед»нинг собиқ футболчиси Луи Саа «қизил иблислар» ҳужумчиси Воут Вегхорстнинг ўйини ҳақида гапирди.

«Балки бу жароҳат билан боғлиқдир, аммо Вегхорст «Манчестер Юнайтед»нинг марказий ҳужумчиси сифатида етарлича яхши эмас.

У кўп ўйнайди, лекин ундан барча фойда прессингда намоён бўлади бироқ у буни қила олмаяпти, бошқа ҳеч нарса эмас. Тушунмайман бунга», - деди Франция терма жамоасининг собиқ ҳужумчиси.

Мутахассиснинг фикрича, «Манчестер Юнайтед»нинг ҳар қандай футболчиси Маркус Рэшфорднинг меҳнатини қадрлаб, кўпроқ ҳаракат қилиши керак.

Эслатиб ўтамиз, Воут Вегхорст шу йилнинг январида «қизил иблислар» сафига «Бёрнли»дан ижара асосида ўтганди.

«Манкунианликлар» либосида у барча мусобақаларда 19 та ўйинда майдонга тушиб, атиги 2 та гол урди ва 3 та голли узатмани амалга оширди.