«Manchester Yunayted»ning sobiq futbolchisi Lui Saa «qizil iblislar» hujumchisi Vout Vegxorstning o‘yini haqida gapirdi.

«Balki bu jarohat bilan bog‘liqdir, ammo Vegxorst «Manchester Yunayted»ning markaziy hujumchisi sifatida yetarlicha yaxshi emas.

U ko‘p o‘ynaydi, lekin undan barcha foyda pressingda namoyon bo‘ladi biroq u buni qila olmayapti, boshqa hech narsa emas. Tushunmayman bunga», - dedi Fransiya terma jamoasining sobiq hujumchisi.

Mutaxassisning fikricha, «Manchester Yunayted»ning har qanday futbolchisi Markus Reshfordning mehnatini qadrlab, ko‘proq harakat qilishi kerak.

Eslatib o‘tamiz, Vout Vegxorst shu yilning yanvarida «qizil iblislar» safiga «Byornli»dan ijara asosida o‘tgandi.

«Mankunianliklar» libosida u barcha musobaqalarda 19 ta o‘yinda maydonga tushib, atigi 2 ta gol urdi va 3 ta golli uzatmani amalga oshirdi.