«Камп Ноу»да ўтган «эл-класико»га оид рақам ва фактлар

Мадриднинг “Реал” клуби Испания Кубоги ярим финал жавоб баҳсида “Барселона”ни 4:0 ҳисобида мағлубиятга учратди.

Мадридликлар клуби ушбу ғалаба орқали финал йўлланмасига эга бўлди ва 6 май куни ҳал қилувчи баҳсда “Осасуна”га қарши майдонга тушади. Бу “Реал” учун Испания Кубоги тарихидаги 40-финал бўлади, бунга қадар пойтахт жамоаси 39 финалнинг 19 тасида зафар қучган. Фақат “Барселона” финалларда “Реал”дан кўпроқ ўйнаган — 43 ўйинда 31 ғалаба.

“Реал” сўнгги бор 9 йил аввал, 2013/14 йилги мавсумда Испания Кубоги финалга чиққанди. Ўшанда ярим финалда “Атлетико”ни ютган “қаймоқранглилар” финалда “Барселона”дан устун келган (2:1).

“Реал” 1995 йилдан бери илк бор каталонларни тўртта тўп фарқи билан мағлуб этди, ўшанда 5:0 ҳисоби қайд этилган. “Барселона” майдонидаги бундай йирик ғалаба эса охирги марта 1963 йилнинг январида қайд этилганди (5:1).

0:4 — “Барселона” учун “Камп Ноу”даги 1997 йилдан кейинги энг йирик мағлубият бўлди. Ўшанда “кўк-анорранглилар” “Динамо Киев”га 0:4 ҳисобида ютқазганди. Каталонлар “Реал”га қарши уй ўйинида эса 1963 йилдан кейинги энг йирик мағлубиятни қабул қилиб олди. Умуман олганда “Реал” 2008 йилнинг майидан кейин илк бор “Барса”га 4 та гол урди.

“Барселона” бу ўйингача барча мусобақалар доирасида сўнгги бешта ўйинда ғалаба қозонганди. Хусусан, икки марта “Реал”ни енгганди.

“Реал” бундан аввалги кетма-кет учта класикони бой берганди. Бундан олдинги ғалаба Ла Лига жорий мавсуми 1-даврасида қайд этилганди.

Учрашувда ҳет-трик қайд этган Карим Бензема “Эл-Класико”лардаги голлари сонини 16 тага етказди. Франциялик футболчи Ференс Пушкаш, Сесар Родригес, Франсиско Хенто (барчаси 14 тадан гол) ва Раулни (15) ортда қолдирган ҳолда класиколар тарихидаги энг яхши 4-тўпурарга айланди. Фақат Лео Месси (26), Криштиану Роналду ва Альфредо ди Стефано (иккиси 18 тадан) Бенземадан кўпроқ гол урган.

Шунингдек, Карим класикода ҳет-трик қайд этган сўнгги 28 йил ичидаги “Реал”нинг илк футболчисига айланди. 1995 йилнинг 7 январида Иван Саморано Мадридда ўтган ўйинда шундай натижани қайд этганди. Бу оралиқда барча мусобақалар доирасида 43 та класико ўтказилди.

“Камп Ноу”да эса Бенземадан аввал бундай ишни фақат Ференс Пушкаш амалга ошира олган — 1963 йилнинг 27 январида.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

«Камп Ноу»да ўтган «эл-класико»га оид рақам ва фактлар

ЭНГ КЎП ЎҚИЛГАН ЯНГИЛИКЛАР