"Челси"нинг собиқ сардори Жон Терри жамоага мураббий ёрдамчиси сифатида қайтиши мумкин. Англиялик футболчи тез орада мавсум охиригача вақтинчалик мураббий сифатида эълон қилиниши керак бўлган Фрэнк Лэмпарднинг мураббийлар штабига қўшилиши мумкин.
Журналист Фабрицио Романонинг сўзларига кўра, Терри бажонидил Лэмпарднинг мураббийлар штабига қўшилади. Қайд этилишича, Фрэнк жамоасида "Челси"нинг яна бир собиқ футболчиси - 2006 йилдан 2014 йилгача жамоада тўп сурган чап қанот ҳимоячиси Эшли Коул ҳам бўлади.
Эслатиб ўтамиз, "Челси" Лэмпардни фақат қисқа муддатга мураббий этиб тайинлайди. Юлиан Нагельсманн ёки Луис Энрике "кўклар"нинг ёздаги асосий нишони.
