"Барселона" ҳимоячиси Жорди Альба кейинги трансфер ойнасида жамоасини тарк этиш ниятида эмас. Sport хабарига кўра, испаниялик ҳимоячи шартномасини охиригача жамоада қолмоқчи. Футболчининг шартномаси келаси мавсум охирида якунига етади.
Олдинроқ "Барселона" келаётган мавсумда Альбадан қутулиш учун бор кучини ишга солиши ҳақида хабар берилганди. Муқобил йўл - маоши камайтирилган янги шартнома имзолаш, аммо Жорди бундай шартларни қабул қилишни истамайди.
Эслатиб ўтамиз, Альба жорий мавсум Испания чемпионатида 1 та гол урди ва 3 та голли узатмани амалга оширди. "Барселона" тарбияланувчиси 2012 йилнинг ёзида жамоага "Валенсия"дан қайтганди.
